الفقاص المغربي الأصيل

 كوكلي في الفرن مع الخضر

اول حاجة كنديروها كناخدو الكوكلي ( الكمية حسب عدد الاشخاص) كنغسلوه مزيان ثم كنرقدوه في الماء و الملح والخل مدة ساعة تقريبا ثم كنعاودو نشللوه بالماء كنخليوه ليلة كاملة و في اليوم الثاني كنشرملوه

مقادير الشرمولة

نصف ملعقة صغيرة ملح

  نصف ملعقة صغيرة قزبور حبوب

 نصف ملعقة صغيرة خرقوم بلدي(كركم)

 نصف ملعقة صغيرة سكينجبير(زنجبيل)

قليل من الزعتر

 ملعقة صغيرة صوص صوجا

 ملعقة صغيرة موطارد(خردل)

 ٢ فصوص الثوم محكوكين

 ربع ملعقة صغيرة من السودانية

 نصف كأس من زيت الزيتون او زيت المائدة

 

طريقة التحضير 

كنشرملو الكوكلي مزيان من الاحسن ليلة كاملة أو ساعتين على الأقل ثم كناخدوا مول كندهنوه مزيان بالزيت كنفرشو فيه 2 بصلات  مقطعين دوائر كنحطو الكوكلي فوق البصل ثم كنغلفوا المول بورق الزبدة ثم بورق الالمنيوم ؛ كندخلوه للفرن على نار هادئة من بعد نصف ساعة كنحلو عليه كنتقبوه او كنعاودو نغطيوه مزيان او كنخليوه حتى كيطيب؛ بعد ما كيطيب كنحيدو عيله الورق او كنخليوه اتحمر مزيان ثم كنخرجوه من الفرن

 

 

طريقة تحضيرالخضر المرافقة 

كناخدو كمية من الجزر كنقطعوه بالطول او كنصلقوه او كنصفيوه و في مقلاة كنوضعوه ثم كزيدو عليه القزبر و المعدنوس نصف ملعقة صغيرة من الكامون +القليل من التحميرة أو البابريكا + القليل من القزبر حبوب مطحون +فص من الثوم محكوك+ربع كأس زيت الزيتون كنشحرو الكل مزيان ثم يترك جانبا

كناخدوا نصف كيلو بروكولي كنغسلوه مزيان ثم كنرشوه بالملح كنصلقوه مكنخليوهش كيطيب بزاف من بعد كنخليوه ابرد او كنديروه فمقلاة فيها القليل من الملح زيت الزيتون قزبور و معدنوس و قليل من الابزار (الفلفل الأسود) و كنشحروه مزيان

كناخدو كمية من القرع الأخضر كنقطعوها بالطول او كنبخروها مع قليل من الملح ثم كنشحروها بالقليل من زيت الزيتون الملح السودانية والزعتر

 نأخذ كمية من البطاطس كنغسلوها او كنقشروها او كنقطعوها بالطول كنخليوها تنشف مزيان كنزيدو عليها الملح قليل من الثوم بودرة الفلفل الأحمر  السودانية القزبر حبوب و ربع كأس زيت الزيتون وتدخل لفرن مسخن من قبل او كنخليوها حتى تحمر

نأخذ كمية من الباربا مسلوقة من قبل كنقطعوها على شكل مربعات  او كنديرو ليها القليل من الملح الفلفل الأسود القزبور والمعدنوس و زيت الزيتون ثم يخلط الكل جيدا

وفي الأخير نأخذ طبسيل او صحن طويل نضع الكوكلي في الوسط ثم كنحطوا فوق الكوكلي البصلة لي فرشناها فالمول او كنرشو من الفوق باللوز ايفيلي محمر او كنديرو الخص فجناب الطبسيل او كنديروا الخضر لي حضرنا او بالصحة والراحة